Jess, eins og flestum ætti nú að vera kunnugt fer að fjölga á bænum hér og í sumar er von á öðru eintaki af mér... ekki slæmt það
Einhvernveginn fór það útí það að það er ég sem að borða fyrir 2 á meðan Steinunn er búin að setja sjónvarp ofaná klósettið.
Verst samt hvað það er ótrúlega okrað á svona vörum tengdu þessum börnum, kannski því búðirnar vita að þú þarft að kaupa þetta hvort sem þér líkar eða ekki en við erum allavega búin að fjárfesta í nýjum sófa (hvað sem það kemur málinu við) selja þann fagurbláa, kaupa smá aukadót og fá fullt að krakkadóti lánað.
Fór t.d. til Steinunnar systir á akureyri um helgina að sanka að mér. Þar sem hún er með 2 stykki litla orma fékk ég minn skammt af ælu og bleyum þar til í Júni, held ég hafi það bara notalegt þangað til... fer á túr eða ekkað
Sumir hér eru meiraðsegja búnir að stofna barnalandsíðu sem er á link hér til hliðar.

En eins og ég hef sagt sjálfur stundum undanfarið: nóg komið af barnatali......... tja, þá er nú ekki mikið annað í fréttum, ekki get ég blaðrað um sjórnmál því sú frétt verður úrelt í fyrramálið.
Get samt sagt ykkur frá því þegar ég var í skoðunarferð á Spáni, var að skoða nautaat og túrgædinn sagði okkur frá því að þegar naut drepur nautabanann þá kemur bara annar og klárar nautið og svo til heiðurs nautabananum þá er mömmu nautsins slátrað líka. Ég náttúrulega hljóp uppá hótel að segja frá fróðleik mínum sem ég hafði lært um nautaat og útskýrði á minn eina hátt : "sko þegar einhver nautabani deyr... þá er mömmunni slátrað"

Kveðja frá bumbunum

Vegna engra áskoranna ætla ég að blobba.
já, það er gaman að vera ég þessa dagana, búinn að slaaaaka (og svo kyssa mig) á spáni og fl.
Búið að skreyta nokk fínt hénna heima og er merkilegt hvað má gera við bandspotta, jólatréskraut og slatta af límbandi
Allir pakkar komnir í umbúðir nema Steibu, spá í að taka Homer á þetta "well if your not gonna use that football i know someone who can"
Svo má ekki gleyma að Steinunn systir verður þrítug á laugardaginn... blóm og kransar og hrukkukrem vel þegnir.
Vá samt hvað það er alltaf gaman að rúnta um bæinn og kíkja í Kringluna á þessum tíma árs.. allt svo rólegt og afslappað mæli með krepputorginu, þar er ekki sála enda gleyma flestir íslendingar kreppunni í jólaversluninni. Hvernig ætli örtröðin sé í Hagkaup þar sem er hægt að fá lán fyrir öllu og borga svo bara í Mars!!!
En úff... þetter orðið gott, vinnuhelgi framundan og svo bara kósýheit og slökun með smá átökum inná milli við matarborðið.
Arsenal-Liverpool er á laugardaginn og ætli maður kíki ekki á þetta leiðindarlið þar sem jú, Arsenal er engu skárra þessa dagana.
Öllum er leyft að giska (enginn leiðindar vísitöluleikur hér 5bi minn ) og eru verðlaun fyrir rétt pakki frá jólasveininum

Ætli ég geti ferðast til Englands þessa dagana eða er ég á svörtum lista þar sem hryðjuverkamaður þar sem ég er Íslendingur?

Já, allt að ske, og vonandi búið að því... nei andskotinn, ég nenni ekki meira krepputali.

Best að hafa þetta á jákvæðum nótum.
Hópferð á miðvikudag á landsleikinn þar sem 2 skítalið eigast við og ætti það að verða hörkuspennó leikur. Hvað er betra en að standa í Íslensku haustveðri á vellinum að horfa á Íslenska landsliðið ha!!!
Skil samt ekki í Davíð að fara til Spánar... en koma hingað aftur. Gæti verið að vinna þanna á McDonalds eða 1hvað og sent evrur hingað heim svo við gætum lifað eins og kóngar.
Annars er nú að styttast í að við Steiba (steinunn birna) skellum okkur til Sevilla... ca.40 dagar eða e-ð. Held það verði nú bara næs. Búið að festa kaup á miða á Sevilla- Barcelona og svo er bara um að gera og missa af fluginu heim.
Eftir hálftíma störu á skjáinn núna hef ég komist að því að mánudagar eru ekki þeir bestu til að skrifa blogg, ætla að skella mér á fyrstu handboltaæfinguna núna og ekki verra að byrja þegar íbúðin manns er full af einhverjum kellingum... og samt er engin af þeim að þrífa neitt

Kem með meira fyrir 2009

Haldið að það sé nú.
Var að keyra í vinnuna í morgun og skyndilega snarhægðist á umferðinni framundan vegna aftanákeyrslu aðeins framar. Ég hefði getað tekið eftir því fyrr en Steinunn var að blaðra einhverja svaka sögu sem ég man eiginlega ekkert eftir því hún var í flegnum bol, svo minnir mig að hún hafi teygt sig yfir mig til að henda út rusli út um gluggann minn eða 1hvað í þá áttina En allavega veit ég ekki fyrr en ég er búinn að klessa aftan á næsta bíl, ekki hlálpaði rigningin né heldur sléttu sumardekkin frá 76´
Sá nú ekkert á hinum bílnum en er sjálfur að leyta að nýju húddi og framljósi

Svo á morgun er það bara fótboltamót á nautatungubökkum með strákunum og ef maður lifir það af gæti maður haldið uppá sigur um kvöldið.. þ.e. ef siggi downtown klúðrar ekki vítaspyrnukeppni þennan daginn

Bú...
Jemms þá er síðan loksins komin úr sumarfríi enda veitir ekkert af þar sem flestir sem ég þekki eru með 10 þumalfingur og eru ekki að skrifa meira en ég... sumir þó með 11
Er að spá í að gera þetta bara svona 4 sinnum á ári og koma þá með 3 mánaða skammt eins og núna.
Sumarið var mjög gott... takk fyrir... læt ykkur svo vita með haustið

neeee... kannski aðeins nánar, en í sumar fór ég í hringferðalag með Steinunni sem var ótrúlega fínt, stoppað á öllum helstu stöðum landsins (sjá nánar Steinunnar blogg) og aðeins lengur á sumum því bíllinn þurfti aðeins að pústa.
Svo var maður líka dreginn á Kópasker dreifbýli og kynntur í ættina hennar Steinunnar (sjá nánar Steinunnar blogg) sem gaf mér mjög góða innsýn af hverju hún er svona spes
Hélt reyndar áfram að keyra landið þvers og kruss (eins og maður hafi ekkert séð það í hringferðinni) því við fengum einhverja brjálaða Finna í heimsókn um verslunarmannahelgi og sýndum þeim nánast allt sem hægt er að sjá sunnan Vatnajökuls ásamt Ísl.djammi (sjá nánar Steinunnar blogg)
Þarna inná milli jú breytti íbúðin aðeins um svip því Steinunn flutti inn og þá er ég ekki að tala um svalirnar.... ónei.. ekki þegar maður á 10fm geymslu
Þá er það eiginlega flest upptalið því flestar hinar helgarnar var ég að vinna, eins og t.d. þessa helgi en da da da... á morgun byrjar loksins enski boltinn sem að er vel því þessa dagana er bara ekkert um íþróttir í sjónvarpinu nema jú það er sýnt frá allsskonar hobbýum eins og skokki og sundi... og hvað er með það að geta unnið 10 gullverðlaun bara með því að vera góður í sundi eða skokki... því það er ekki bara eitt sund heldur er það 25m- 50m- 75m- 100m- og þar eftir þannig að ef þú ert góður að busla, eins og einn gæi þarna með froskalappirnar, þá geturðu bara unnið og unnið.
Þetta væri eins og að vera með fótboltalið sem væri meistarar í 90.mín leikjum og 70mín leikjum og 50.mín leikjum og silfurhafar í 65.mín leik án rangstöðu... piff þetta ætti bara að vera staðlað.
En nóg um það.
Vinnuhelgi framundan og maður þyrfti kanski að fara að koma sér heim í mat og fínerí sem bíður manns, líklegt að maður leigi video í annað skiptið á árinu (hef lítið tekið dvd eftir hryllingsmyndina með Josh Harnett) .þar sem Steinunn leigir frítt í Bónusvideo næsta mánuðinn þannig eftir 1 mánuð þurfið þið ekki lengur að hringja í Helga til að vita hvað sé gott og hvað ekki.
Skelli inn skoðanakönnun svona í lokin
Auf vidersen

daddaradada

Þá er loksins komið að pulsuferðinni miklu, allir að detta í fíling og... detta í margt fleira bráðum

eins og allir vita og kannski ekki þá er þema helgarinn mustage... eða motta
þá er bara smörning... hvenær á að leggja íann... hverjir verða á bíl... og verður rokkpunktur

Davíð og Stebbi

bjóða í gegt

PLEBBAPARTÝ 

Laugardaginn 3. maí

Dress code: inngönguskilyrði er að mæta í ljósbláum, ljósbleiku, ljósgulum eða öðrum ógó ljósum plebbalitum og með hárið sleikt !! Verðlaun veitt fyrir plebbalegasta outfittið..tíhíhí

Marteinslaug 10,

Engar veitingar í boði, bring your own..namm namm !!

     
Eins og sjá má verður samkeppnin um verðlaunin hörð ..Davíð kemur í sínum UPPÁHALDSBOL beint af tennisæfingu með eldri borgurum =)

Daginn.
Ef einhver þarna úti á ekkert líf en langar í líf... og þ.a.l. losa sig við tölvuna sína og fara út og hitta fólk, þá endilega hringja í mig því mig vantar laptop, þarf ekki að vera öflug, en þarf frekar að vera ódýr (getur líka fengist í skiptum fyrir lítið notaða ryksugu eða moppu)
áhugasamir hafi samband við mig í síma:...nn minn

koma svo... endurnýja

Davíð Már Vilhjálmsson kom áðan... og í slagtogi við Ragnar Valsson tókst honum að tapa 7-1 í pro elevution soccer á móti mér og Sigga
Það hefur bara ekki gerst síðan Kópavogshverfi varð sjálfstætt bæjarfélag

Ég fór til tannlæknis um daginn, og settist í stólinn. Þá spurði tannsi " Er eitthvað sérstakt sem þú komst til að láta kíkja á eða bara venjulegt eftirlit?"
Ég svaraði " ja... þegar ég kom síðast þá skildum við eftir 2 holur"
þá spurði tannsi aftur " já, komstu þá til að láta laga þær"
mér fannst það frekar stupid spurning þannig ég þagði í smástund en sagði svo :" Neeei... ég kem nú bara hingað útaf félagsskapnum"
Þá heyrist í aðstoðarkonunni "ætli hann hafi ekki komið til að láta laga þessar holur"

En annars þarf ég að halda partý aftur fljótlega þar sem systir hans Sigga var svo dugleg að setja í þvottavél... verst bara að það var kl.2 um nóttu og ekki það skemmtilegasta sem ég geri þegar ég kem heim af djamminu er að taka úr vél

Hugsa sér, í þessu fína gluggaveðri á Mánudaginn ákváðum við 8 strákar að dröslast uppá Esju, í "hægri austlægri átt" eins og veðurstofan kallar 8 vindstig og frost.
Jújú fínt svona fyrstu skrefin af bílastæðinu en ég sver það... á leiðinni upp virtist fjallið bara lengjast og lengjast. En þegar við rætur toppsins var komið ákváðum við að segja þetta gott enda farið að snjóa þarna uppi ofaní hálkublettina, þannig við báðum 70 ára kallinn sem tók framúr okkur bara að skila kveðju á toppinn fyrir okkur
Svo á leiðinni heim keyrði ég á milli 30-140.km hraða því ég fann ekkert fyrir neinu í löppunum eftir þetta. Og hassperunar sem ég fékk í magan... úff (fyrir þá sem ekki vita þá eru hassperur ákveðin tegund af hassi sem einungis vex í hlíðum Bondavei í Kúala Lumpur, nafnið er tilkomið vegna lögunar á laufblöðunum)
Eftir þetta var ég svona rétt að pæla í að fjárfest í alvöru gönguskóm en svo fattaði ég það.... Það er auðvitað miklu ódýrara að vera bara ekkert að þvælast upp í svona afdælasveitir þannig það verið strax slegið af dagskrá.

En svona yfir í annað þá á hann Helgi afmæli á morgun Laugardag og hef ég ákveðið að það verður haldið uppá það hérna heima hjá mér.
Það eru auðvitað allir velkomnir... nema Helgi, hann er ekki boðinn.  Engar veitingar verða í boði en öllum sem vilja komast inn um hurðina er auðvitað velkomið (stranglega mælt með) að koma með gjöf og mun ég taka við þeim í fjarveru Helga

víví

Já á maður ekki að skrifa e-ð loksins...
Helst í fréttum er að Elva er flutt út og ég get þá loksins farið að kalla mig húsbóndann á heimilinu... ókosturinn er hins vegar sá að heitar kvöldmáltíðir eru orðnar ansi sjaldséðar, copopuffs getur orðið þreytandi kvöldmatur (eins gott að mamma býr ekki langt frá)
en hvar get ég keypt poolborð ??

Svo eru páskar á morgun með öllu sínu svíneríi, þarf reyndar að vinna eitthvað um páskana... fékk samt risapáskaegg í staðinn frá vinnunni nr.7 bara verst að ég er ekkert fyrir slíkt þannig það fæst fyrir lítið magn af bjór
og já fyrir þá sem ekki vita þá er ég kominn í nýja vinnu.

Hef þetta ekki lengra að sinni því þetta er nógu mikið sjokkerí fyrir fólk að sjá blogg hér yfir höfuð.
Skila að lokum kveðjum til Davíðs sem stakk af til spánar um páskana í 25° hita og vona ég að hann fái ljósofnæmi og 3 stigs brunasár

Bob Paisley

Framkvæmdastjóri Liverpool 1975 til 1983

Afrek sem framkvæmdastjóri

Englandsmeistari: 1975/76, 1976/77, 1978/79, 1979/80, 1981/82 og 1982/83. Deildarbikarmeistari: 1980/81, 1981/82 og 1982/83.
Góðgerðarskjöldurinn: 1976, 1977 (deilt), 1979, 1980 og 1982.
Evrópukeppni meistaraliða: 1976/77, 1977/78 og 1980/81.
Evrópukeppni félagsliða: 1975/76.
Stórbikar Evrópu: 1977.
Framkvæmdastjóri ársins: 1976, 1977, 1979, 1980, 1982 og 1983.
Framkvæmdastjóri mánaðarins: 14 sinnum.

Það mætti líka telja Góðgerðarskjöldinn árið 1974 með á afrekalistanum. Bob var orðinn framkvæmdastjóri þegar Skjöldurinn vannst en Bill Shankly, sem hætti sem framkvæmdastjóri um sumarið, leiddi Liverpool til leiks og því vildi Bob að Bill fengi heiðurinn af þeim sigri! Það er lítið dæmi um hógværð mannsins. Bob var Kenny Dalglish til ráðgjafar þegar Kenny tók við framkvæmdastjórn sumarið 1985. Kenny stýrði Liverpool til sigurs í deild og bikar á sinni fyrstu leiktíð 1985 /86. Bob átti sinn þátt í því afreki þótt það sé ekki á afrekaskrá hans. Bob endaði starfsferil sinn hjá Liverpool með því að sitja í stjórn félagsins frá 1983 til 1992....

þetta kallar maður árangur...
eitthvað annað envitleysingurinn sem er núna að............ja....hvað er hann eiginlega að gera ?

Já, það er Sunnudagur. Sólin skín, roklægðin farin og ekkert neikvætt við þennan dag ........................ennþá.
Því kl.16.00 þá á Liverpool að spila við Chelsea

EN... þangað til ætla ég bara að vera jákvæður og njóta þess að þangað til 4 er liverpool tæknilega séð með 1 stig úr leiknum
Til að bæta aðeins við daginn er ég ekkert þunnur og er að fá La-Z-Boy stól

p.s. þeim sem vantar að slá mig um lán eða annað... vinsamlegast hringið fyrir kl.16.00